स्वास्थ्य

जिल्ला अस्पतालमा अक्सिजन प्लान्ट स्थापनामा ढिलाइ

घाटगाउँ डटकम

दार्चुलाः कोरोनाको तेस्रो लहरको खतरा देखाइरहेको बेला जिल्ला अस्पताल दार्चुलामा भने अझै अक्सिजन प्लान्ट स्थापना हुनसकेको छैन । असारभित्रै अक्सिजन प्लान्ट जडान गर्नुपर्ने भए पनि अहिलेसम्म स्थापना हुनसकेको छैन ।

असारभित्र प्लान्ट निर्माण सक्नुपर्नेमा अहिलेसम्म काममा ढिलाइ भएको छ । हेल्थकेयर सप्लायर्स काठमाडाँैंले जिल्ला अस्पताल दार्चुलामा अक्सिजन प्लान्ट स्थापनाको ठेक्का पाएको थियो । सुदूरपश्चिम प्रदेश सरकारको सहयोगमा अक्सिजन प्लान्ट जडान गर्ने भनिए पनि अहिलेसम्म जडानमा ढिलाइ भएको अस्पताल व्यवस्थापन समितिका अध्यक्ष दलजीतसिंह धामीले बताए ।

छनोट भएको कम्पनीले निर्माण सामग्री आउन ढिलाइ भएको जवाफ दिएको छ । जिल्ला अस्पतालले जेठ अन्तिमतिर इबिडिङको माध्यमबाट १५ दिने बोलपत्र आह्वान गरेको थियो । बोलपत्र आह्वान गरी सप्लायर्स छनोट गरेको भए पनि हालसम्म पनि जडानको काम सुरु नभएको अस्पतालका प्रमुख डा. आदर्श लिम्बूले बताए । “गत आर्थिक वर्षको असारभित्र प्लान्ट स्थापना गर्ने सम्झौता हो”, उनले भने, “तर कम्पनीले थप मागेको समायावधिभित्र पनि जडान गरेको छैन ।”

जिल्ला अस्पतालमा कम्पनीसँग प्लान्ट जडानका लागि रु ७० लाख लागतमा ठेक्का सम्झौता भएको थियो । जिल्लामा अक्सिजन प्लान्ट जडान नहुँदा अक्सिजन सिलिन्डर भर्न नेपालगन्ज पठाउनुपर्ने बाध्यता छ । जिल्ला अस्पतालसँग अहिले ७० सिलिन्डर र ४७ वटा कन्सन्ट्रेटर छन् । अक्सिजन प्लान्ट जडान नहुँदा जटिल अवस्थाका बिरामी तथा कोरोना सङ्क्रमतिलाई अहिले पनि जिल्लाबाहिर पठाउन बाध्यता रहेको छ । अस्पतालमा दुई जना कोरोनाका बिरामी उपचाररार्थ छन् । रासस


प्रकाशित मिति: सोमबार, भदौ १४, २०७८, ०१:०२:००
प्रतिक्रिया दिनुहोस्

थप समाचार

सुनको मूल्य फेरी घट्यो सोमबार, भदौ १४, २०७८, ०१:०२:००
खुल्न थाले शक्तिपीठ सोमबार, भदौ १४, २०७८, ०१:०२:००