समाज

बारेकोटका शिक्षक रोकायले घुँडा टेकेर माफी मागे

लोकेन्द्र विश्वकर्मा

जाजरकोट – बिद्यार्थीलाई कुटपिट गर्ने पहाडामुल्साम दीपेन्द्र माविका शिक्षक  दीर्घराज रोकायले बिद्यार्थी सामु घुँडा टेकेर माफी मागेका छन  ।  बारेकोट गाउँपालिका – ३ मा अबस्थित रहेको दीपेन्द्र माविमा शिक्षक रोकायले जाँडरक्सी खाएर बिद्यार्थीलाई कुटपिट गर्नुका साथै स्थानीयलाई समेत गालीगलौज गरेका थिए । 

                                                                  बिद्यार्थीलाई कुटपिट गर्दा जातीय विभेदपुर्ण  गालीगलौज गरेको उनको भिडियो घाटँगाउँ डटकम मार्फत सार्वजनिक भएको थियो । 
उक्त बिषयलाई लिएर माघ १८ गते, बिभिन्न पार्टीका बिद्यार्थी भातृ संगठन, स्थानीय सम्बन्धित निकाय, दलित अधिकारकर्मी, अन्य सरोकारवालाहरुको उपस्थितीमा शिक्षक रोकायले बिद्यार्थी सामु घुँडा टेकेर माफी मागेका हुन । 

आगामी दिनहरुमा यस्तो कार्य गरेमा सम्बन्धित निकायहरुबाट कडा कारबाही गर्ने वडाध्यक्ष मनबहादुर शाहीले  बताए  ।  यो शिक्षक रोकायको पहिलो हर्कत भएकोले उनलाई माफी दिएको दलित अधिकारकर्मीहरुको भनाई छ । यस्तो हर्कत अब नगर्ने, नगराउँने भनि बिद्यालयको निर्णयमा दस्तखत समेत गरेका थिए ।  

दस्तखत गर्दै शिक्षक रोकायले भने, “ मान्छेको जिन्दगीमा  कहिले भुल हुन्छ । मेरो जिन्दगीमा पनि यो एउटा भुल हो । आगामी दिनहरुमा यस्तो कार्य कहिले पनि गर्ने छैन ।”  शिक्षक रोकाय दीपेन्द्र माविका नेपाली बिषयका राहत शिक्षक हुन । 

      स्थानीय सञ्चारकर्मी हरिबहादुर नेपालीको सहयोगमा 


प्रकाशित मिति: बिहिबार, माघ २९, २०७७, २०:२७:००
प्रतिक्रिया दिनुहोस्

थप समाचार

सुनको मूल्य फेरी घट्यो बिहिबार, माघ २९, २०७७, २०:२७:००
खुल्न थाले शक्तिपीठ बिहिबार, माघ २९, २०७७, २०:२७:००